કુકરવાડા બજાર આજથી સવારે 7થી બપોરે 2 વાગ્યા સુધી જ ખુલ્લુ રહેશે

 2 વાગ્યા બાદ માત્ર દવાખાના અને મેડિકલ સ્ટોર ચાલુ રહેશે

વિજાપુર તાલુકાના કુકરવાડામાં કોરોનાના વધતા સંક્રમણને ધ્યાને લઇ ગુરુવારથી 15 દિવસ સુધી સવારે 7 થી બપોરે 2 વાગ્યા સુધી જ બજાર ચાલુ રાખવાનો નિર્ણય લેવાયો છે. બપોરે 2 વાગ્યા બાદ માત્ર દવાખાના અને મેડીકલ સ્ટોર જ ચાલુ રખાશે.

એસ.વી.શાહ હાઇસ્કૂલમાં બુધવારે વેપારી એસોસીએશન સાથે ગ્રામ પંચાયતે બેઠક યોજી હતી. જેમાં 10 ડિસેમ્બર સુધી બજારો સવારે 7થી 2 વાગ્યા સુધી ચાલુ રાખવાનો નિર્ણય લેવાયો છે. વેપારીઓ અને ગ્રાહકોને માસ્ક, સોશિયલ ડિસ્ટન્સ અને સેનેટાઇઝરનો ઉપયોગ કરવા જણાવાયું છે. નિયમ ભંગ કરનારા વેપારી અને ગ્રાહકને રૂ.200નો દંડ વસુલવામાં આવશે.